Застаўшыся сіратою, ужо з дзіцячых гадоў прадзед зарабляў сабе на хлеб і даматканае адзенне, працуючы пастушком. А калі крыху падрос, знемагаў у летнія месяцы ад непасільнай працы на цагельні, а зімой-на лесазавод Вайна застала дваццацітрохгадовага чырвонаармейца ў Маскве, дзе ён нёс службу па ахове сталіцы. Але ён імкнуўся, каб яго перавялі на Гродзеншчыну. Прайшоў спецыяльны курс ваенна-падрыхтоўчага дыверсійнага збора.У снежні 1942 года перайшоў лінію фронта. Камандаваннем партызанскага атрада “Кастрычнік”Мікалай Пятровіч быў прадстаўлены да звання Героя Савецкага Саюза. У выданай яму камандаваннем атрада характарыстыцы напісана, што партызан Кадоўбік асабіста мініраваў і падарваў 10 варожых эшалонаў і прымаў удзел у падрыве яшчэ васьмі. Акрамя таго, з супрацьтанкавага ружжа ён падбіў некалькт варожых паравозаў, бранявік і аўтамашыну.У мірны час Мікалай Пятровіч доўга працаваў у міліцыі, потым аб’ездчыкам у лясніцтве.