Наступленне на Забайкальскім фронце пачалося 9 жніўня, фарсіравалі раку Халхін-Гол, узялі пасёлак Хандугай. Давялося ісці і праз пустыню Гобі, у 40-градусную спякоту. Пітной вады з сабой было мала, яе падвозілі ў курдзюках. І калі траплялася невялікая лужа, пілі адтуль, не зважаючы на небяспеку, толькі праз анучую. У накірунку населенага пункта Ванемяо два японскіх смяротнікі ўзарвалі мост, і нашым сапёрам зноў трэба было наводзіць пераправу. Горад Хайлар двойчы пераходзіў з рук у рукі. Мікалай таксама прымаў удзел у вызваленні гарадоў Цыцыкар, Харбін, Чанчунь, Мукдэн, Фушунь. А 2 верасня 1945 года Японія капітулявала. З Кітая ж выехалі толькі ў маі 1946 года-аказвалі Кітайскай Народнай Рэспубліцы інтэрнацыянальную дапамогу. Але служыць у радах Савецкай Арміі юнак працягваў аж да 1950 года ў Хабараўску.