Паўловіч Мікалай Міхайлавіч нарадзіўся ў в. Праўда Чэрвеньскага раёна. Закончыў школу малодшых камандзіраў у г.Казельску. Пасля вучобы быў накіраваны ў авіяполк у г.Севастопаль. У цяжкіх баях 1941 г.яго полк трапіў у акружэнне. Мікалай Міхайлавіч зведаў пекла фашысцкага палону, уцёк, вярнуўся дадому. Стаў удзельнікам партызанскай брыгады "Разгром". Вайна для Паўловіча М.М. завяршылася пад Кенігсбергам, так як у баях ён быў паранены, трапіў у госпіталь. Там і сустрэў Дзень Перамогі. Паўловіч М.М. мае ўзнагароды: Ордэн Вялікай Айчыннай вайны І ступені, медаль "За Победу над Германией".