Аркадзію Мітрафанавічу Рачку з вёскі Вялікія Жухавічы ішоў 21-ы год, калі вясной 1942 года ён пайшоў у партызанскі атрад імя Калініна брыгады “Камсамолец”, што дыслацыравалася ў Івянецка-Налібоцкай пушчы. Шмат у якіх баявых аперацыях давялося ўдзельнічаць партызану ў складзе падрыўной групы на тэрыторыі Мірскага, Стаўбцоўскага, Навагрудскага, Карэліцкага і іншых раёнаў былой Баранавіцкай вобласці. Аб гэтым сведчаць яго ўзнагароды: ордэн Славы III —й ступені, медаль “За адвагу” ордэн Айчыннай вайны і многія іншыя.