Аляксандр Рыгоравіч нарадзіўся 2 лютага 1923 года ў вёсцы Боркі. Калі пачалася вайна, яму было 17-18 гадоў. Вайну сустрэў у вёсцы Слабодка, дзе на той момант і жыў. Немцы сабралі людзей, каб гнаць іх на Германію. Аляксандр таксама ўвайшоў у склад гэтых людзей. Але ў хуткім часе маці адкупіла яго ад немцаў. Пасля гэтага выпадку Аляксандр пайшоў у партызаны. Пасля таго, як Беларусь вызвалілі, ён быў накіраваны ў армію кулямётчыкам. Дайшоў да Берліна, дзе і сустрэў перамогу. Пасля вайны служыў на Украіне. У 1947 годзе быў дэмабілізаваны. У гэтым жа годзе вярнуўся на радзіму ў вёску Слабодка.