Георгій Трыпуцень быў закліканы на тэрміновую вайсковую службу ў жніўні 1940 года і аказаўся на вайне з першага яе дня. Ен ваяваў радавым у 162-м асобным зенітным дывізіене 8-й стралковай дывізіі. Але на фронце ен прабыў усяго тыдзень. 29 чэрвеня 1941 года ў жорсткіх абарончых баях за пераправу на Бярэзіне ля Барысава Георгій атрымаў цяжкае раненне, яму раздрабіла плячо. Захаваць руку не атрымалася. Але інваліднасць не знішчыла маладога чалавека. Ен скончыў ВНУ і прысвяціў сябе ніве адукацыі. Былы воін быў ушанаваны ордэнамі - Чырвонай Зоркі і Айчыннай вайны першай ступені.