Нарадзіўся і жыў у вёсцы Галічы Клімавіцкага раёна Магілёўскай вобласці. Ваяваў мінамётчыкам на другім Беларускім фронце. Вызваляў ад захопнікаў родную зямлю, сталіцу - Мінск. Быў паранены і 2,5 месяцы правёў у шпіталі. Зноў перадавая, зноў баі. Кемлівага і адважнага воіна перавялі ў дывізіённую разведку. Асабліва памятны франтавы эпізод па ўзяццю языка ў Польшчы, за які атрымаў баявы медаль "За адвагу". Прымаў удзел у вызваленні Варшавы. І пасля вайны глядзеў смерці ў вочы, давялося вылаўліваць хаваўшыхся ў лясах бандэраўцаў. Вярнуўшыся дамоў стаў байцом ударнага фронту - рупліва працаваў у жывёлагадоўлі.