Ульянін Фёдар Іванавіч нарадзіўся ў 1915 годзе ў вёсцы Балтуноўка Хвалынскага павета Саратаўскай губерні. Зараз вёска Ульяніна.Нарадзіўся Фёдар Іванавіч ў сям’і сялян Івана Мікалаевіча і Ганны Аляксандраўны Ульяніных. Вялікая Айчынная вайна застала звольненага ў запас Фёдара Ульяніна ў горадзе Мурманску. Ужо ў жніўні 1941 года ён быў на фронце. З 26 жніўня 1941 года па 20 кастрычніка 1942 года ён знаходзіўся на Карэльскім фронце. Змагаўся ля сцен Масквы. Байцы пад камандаваннем камуніста кадравага афіцэра Фёдара Ульяніна стаялі да смерці, стрымліваючы люты націск ворага, з самаахвярнай мужнасцю грамілі немцаў на падмаскоўнай зямлі, калі савецкія дывізіі і палкі перайшоўшы ў наступленне, пагналі фашысцкіх захопнікаў на захад. З 20 кастрычніка 1942 года быў байцом Паўночна-Заходняга фронту. З 1 красавіка 1943 года на Цэнтральным фронце на пасадзе камандзіра кулямётнай роты 2 стралковага батальёна 422 стралковага палка 170 стралковай дывізіі.