Нарадзіўся ў в. Перавоз Капыльскага р-на 15 сакавіка 1906 г. У 1923 г. закончыў сямігодку ў м. Раманава. З 1926 г. на камсамольскай працы ў Слуцкім РК ЛКСМБ. З 1928 г. у РСЧА, з 1937 г. на флоце. Закончыў ваенна-палітычную акадэмію ў Ленінградзе. Камісар Торык штурмаваў лінію Манэргейма падчас савецка-фінскай вайны і першым кінуў звязку гранат у амбразуру фінскага дота на Карэльскім перашыйку. Падчас ВАВ генерал-маёр берагавой службы, начальнік палітычнага ўпраўлення Паўночнага флоту. Узнагароджаны трыма ордэнамі Чырвонага Сцяга і Чырвонай Зоркі, ордэнам Леніна і Айчыннай вайны ІІ ст. З 1958 г. віцэ-адмірал.